Tyson Yoshi（程浚彥）近日係咁曝光，出鏡多代表佢愈嚟愈搵到錢，但當事人就話好攰，好想唞唞：「其實有啲攰，想做歌，有時想錄歌嘅時間都好似冇。我發現我係需要放假享受吓生活，雖然多謝大家對我嘅厚愛，成日搵我，但真係好攰，做呢啲都係想大家多啲留意我嘅音樂。」同埋，好多藝人入行目標都係買樓，好一個Tyson Yoshi就話想休息多過買樓：「休息好重要喎，我冇諗過買樓喎，可能想買車，最近使咗好錢喺Uber度，可能買車會抵啲。」