游學修、許賢及蘇致豪主理的YouTube頻道《試當真》，昨晚在九展舉行《試當真一週年現場版》的頭場，吸引大批fans入場支持。游學修在棟篤笑環節時講述自己過去一年因為嬲及不忿氣而建立《試當真》，他對觀眾說：「我最着緊後排嘅觀眾，因為最前嘅觀眾就算自己講乜嘢，你哋都會話好，但後排嘅觀眾就會喺我做錯嘢時，喺網上寫衰我。」游學修又指出今年有人跟他說香港電影將「收皮」，有些想他死的人更叫他一定要快些拍戲，所以今年他甚麼也沒有做過，因他感到仍未是時候，此時，游學修即時問現場觀眾：「如果《試當真》拍戲，大家睇唔睇？」觀眾即報以歡呼聲，他更約定大家下次在戲院見。