Tyson Yoshi（程浚彥）今日現身活動時身水身汗，原來因途中塞車，他棄用升降機連跑5層樓梯趕到場地追回時間。搞笑問到是否一向很守時，Tyson Yoshi心直口快說：「冇乜點守時，不過亦唔係遲到王，主要係好多時候要連趕幾個工作。」約女友會否遲到？他笑謂：「咁又唔會，我會直接叫佢過嚟搵我，所以有佢遲冇我遲，呢個方法唔錯。」出名愛女友號的Tyson Yoshi又連環稱讚女友體諒和遷就自己，人又大方氣量大，但自己就沒甚優點，所以很珍惜這個女友。