麥貝夷、前組合天堂鳥成員許俊豪（Lincoln）、白健恩及林雅詩主演的微電影《解離》日前完成拍攝，女主角麥貝夷在戲中一人分飾7角，坦言極大挑戰。她說：「我又係演戲新人，喺準備時同導演溝通咗好多次，希望盡善盡美。」她表示今次拍攝最深刻的一幕，是要迅速由一個人格轉變成另一個人格，「兩個人格嘅狀態同人設有成-100到+100咁大，所以呢個挑戰特別大。另外就係喺呢7個角色入面，其中一個係男人，又一個係TB。演TB嗰一幕，去到現場都用咗少少時間再揣摩，特別呢一場戲喺拍攝期間NG咗好多次。好彩導演同埋Lincoln都好有耐性，Lincoln仲畀咗幾招我傍身，最後趕得切喺日落之前拍完。」