繼MIRROR成員Anson Lo(盧瀚霆)、Anson Kong(江𤒹生)同Ian(陳卓賢)先後爆肌拍底褲廣告後，今晚品牌在FB專頁公佈姜濤壓軸登場，但如果大家以為姜濤又會爆肌look出現的話，大家真係諗多咗嘞。皆因姜濤今次並不是拍底褲廣告，而是示範秋冬季新系列服裝，四個造型相當密實，完全不需要剝衫半裸上陣，唯一可以見到他一貫殺死人的迷人眼神！不過一眾「姜糖」依然力撐，狂派心心並留言：「淨係露面已經夠晒」、「姜濤著每個款都咁型」、「好靚仔啊！型到！」、「完全符合年輕的姜生！」甚至還有人說：「一定密密實實啦！但我都鍾意。」「千祈唔好show肌，你要惜肉如金呀！」