父母的身教直接影響子女的行為及價值觀，有網民於討論區發文指，在內衣店見到一名年約4歲的女童，邊行邊食炸雞塊，再用沾滿油的小手到處觸摸店舖商品，網民好言勸阻，卻反被其母惡人先告狀，令該網民亦甚感無奈。

該名網民於「親子王國」討論區發文指，日前於內衣店內見到1名年輕孕婦帶同年約4歲的女兒閒逛，該名女童手上拿着炸雞邊行邊食，同時「不斷用隻手係咁撥摸啲胸圍底褲」，其母親見狀不但沒有阻止，更「大安旨意又唔話又唔理」。樓主忍無可忍，決定出聲勸阻，「叫小朋友唔可以咁，會整污糟啲嘢」。豈料，女童的母親即上前指責，怒斥樓主多管閒事，「佢阿媽即時走埋嚟問我，憑乜嘢話佢個女」、「職員都未出聲幾時輪到你……」。

樓主聞言心有不甘，強調自己過程中沒有用兇惡語氣呼喝女童，卻反被惡人先告狀，「你個女除口罩食嘢已經唔啱，隻手油淋淋摸黎摸去，見到好難唔出聲！」，並質疑家長未有好好管教，「仲可以大聲夾惡，點教下一代呢？」。

帖文引起一眾的家長討論，紛紛指涉事港媽未有以身作則，卻成為女兒的壞榜樣，「其實最大問題係阿媽，自己都唔教仲好意思話人」、「呢啲唔看管好自己小朋友嘅阿媽，如果冇人出聲佢就大安旨意，有人出聲就好話人話佢個小朋友」；亦有網民建議可通知店員處理，避免無故被罵。

資料來源：親子王國