今日喺萬聖節，唔少藝人都換上Cosplay造型，喺社交網平台貼相「呃like」。港姐冠軍謝嘉怡喺外地長大，特別重視萬聖節，今年佢決定反串扮DC漫畫角色Joker小丑，而造型一啲都唔馬虎，化行Joker妝，一頭綠色假髮同着住紅色西裝，唔講真係認佢唔到。

不過，呢位Joker一啲都唔邪惡，謝嘉怡伸脷擺出搞怪表情，佢以英文留言：「萬聖節係我其中一個最鍾意嘅節日，好開心可以扮到我最愛嘅角色！」佢仲分享昔日同表哥嚇到嫲嫲用中文尖叫，小時候嘅佢原來都有調皮一面。網民紛紛激讚佢係最可愛嘅Joker，仲話就算玩Cosplay都係咁靚女。