Retroll今年推出咗新專輯《新L品》。
「試當真」成功到開埋《試當真一週年現場版》。
Retroll將推出YT頻道，Jerry望訂閱人數可以追上「試當真」一半。
Tyson Yoshi玩開獨立音樂，而家變成人氣歌手。
早前，Tyson Yoshi（右一）仲同姜濤、林家謙及柳應廷開拉闊音樂會。
「試當真」嘅YT頻道拍片題材好多元化。
繼文諗定Plan B，即使做唔成明星，都想繼續跳舞。
繼文父母好支持阿仔追夢。
繼文同Jerry分享Retroll未來大計。
Previous Next
近年香港人聽多咗廣東歌，亦愈來愈多人接受到唔同曲風嘅音樂，令好多獨立歌手都有出頭天，Retroll除咗玩音樂，其實仲有好多搞作，梁繼文（繼文）同潘俊維（Jerry）接受《頭條娛樂》訪問就透露未來想搞YouTube頻道作多元化發展。撰文:秦詠姿 攝影:葉君海


搞YouTube頻道維持曝光率

呢個世代唔再需要依靠大公司先有得發圍，以YouTube頻道「試當真」 為例，靠創意於網絡世界突圍，開台一年訂閱人數33萬，日前更於九展開《試當真一週年現場版》，評價超好。原來Retroll都有意搞YouTube頻道幫助維持曝光率，Jerry表示：「舉例咁講，當我哋想追上『試當真』一半。因為佢哋不論YouTube頻道定係音樂製作都好成功，我哋唔係想做『試當真』，但想做類似嘅形式。」

Retroll為咗瞓身搞YouTube頻道，喺觀塘租埋地方搞工作室，買晒器材做準備。本身做開Dancer嘅繼文同Jerry坦言就算張學友開200場巡迴Show搵佢哋跳舞，都未必會做，因為想專心Retroll嘅業務。至於拍片題材，初步構思都係以搞笑貼地為主，另外仲希望為Retroll嘅音樂作品拍多啲MV。