蔡一傑近年投身KOL界，不時在YouTube分享煮食心得，又會示範烹調菜色，但他近日在其頻道上載的新影片，就一改以往拍入廚樂，而是在廚房內坐定定講一段痛爆經歷。

原來蔡一傑早前生蛇，他表示因屋企左右隔鄰夾埋有5個單位進行裝修，日嘈夜嘈之下，令他每日冇覺好瞓，休息不足之下，他又去做運動、跑山，原來體力消耗加上唔夠瞓，導致免疫力下降患上帶狀疱疹，即是俗稱的生蛇。他表示去按摩時，感到後頸伸延至手臂位置極痛，之後向相熟醫生查詢，食藥後仍不見好轉，再問另一個醫生，要加重藥的劑量治療。他又稱當時正值8號風球，又餓又痛，所有診所都關門，慶幸搵到醫生為他診治，雖然現時已康復，不過他的頸部仍留有深色疤痕。