《全民造星IV》以打造女團為主，今日播出第二集，評判由朱栢康、DJ Donald和鄭融擔任，今集首先出場係去年參加過《造星III》的26歲子涓對戰25歲中醫診所助理陳祖。曾經是女團BINGO成員的子涓在《造星III》表示畀錢跟前公司解約，對女團無興趣希望Solo，所以今屆面試時，花姐見到佢就問：「你曾經係女團，跟住你唔鍾意，你想自已Solo，但你而家同我講你想做女團？」不過上年客席導師，今屆導師梁祖堯與上年A組導師林二汶都非常關心子涓，希望子涓今年能夠成功。