森美拋低男人尊嚴 唔想做「前夫」願為老婆拎手袋 11月04日 列印 森美踢爆老婆亦是「鏡粉」。 老婆一句:「MIRROR型㗎!」森美即乖乖幫老婆攞手袋。 MIRROR人氣勢不可擋。 森美向來覺得男人幫女人拎手袋好核突,但唔想做「前夫」亦要識轉彎。 Previous Next 森美與老婆Veronica結婚多年來一直恩愛,向來有「愛妻號」之稱的森美,為老婆幾乎願意付出一切,但講到要幫老婆拎手袋呢?涉及男人尊嚴呀。昨日森美在社交網搞笑表示唔願意成為「前夫」,更學MIRROR擺出多個型格甫士幫老婆拎手袋,原來森美老婆都是「鏡粉」,他寫道:「一落車,梁太叫我幫佢攞住個手袋,男人攞女人手袋好核突㗎!佢話: Mirror型㗎!即攞!即型!即潮 #不做前夫 #男人識轉彎 #與時並進 #男人新形象」。有網民留言大讚森美型仔:「第一張相我以為係林峯」更有人搞笑寫道:「依家做老公要識變通,能屈能伸,咁先唔會變成前夫」。