林家棟和導演梁樂民日前齊齊宣傳新戲《梅艷芳》，林家棟在戲中飾演華星唱片公司總經理蘇先生，他透露與蘇生有數面之緣，二人外型上不大相似，在揣摩角色時唯有從管理的角度去想，同時希望能帶出當時香港人求變和向前衝的精神，林家棟說：「呢部戲唔係模仿大賽，反而係想帶出各人同梅姐嘅相處，我喺戲中第一次做人『老竇』，點樣令一個新人成為巨星，喺佢嘅天賦下點樣去支援佢。」演出有否難度？林家棟續說：「我現實中又未試過做爸爸，其實經理人等同父母角色，做呢行嘅人就會知道，做經理人最嘔血嘅，又怕你唔紅，又怕你紅咗之後會走歪，又要有責任拉你返嚟，又唔知你會唔會聽，所以做經理人係有好多吃力不討好嘅事。」林家棟和梅姐本身也認識，對於再看到與梅姐有關的一切，他直言一定會有很多回憶和感觸。