鄭俊弘和何雁詩今晚在尖沙嘴補辦結婚晚宴，兼慶祝結婚一周年紀念，延開38席，宴請四百多賓客。去年受疫情影響，結婚也延期了4至5次之多，今日終如願補辦婚宴，以一對新人形式與朋友同歡，令他們大呼「很感恩」。鄭俊弘說：「自從結婚後更加親密，本身諗冇咩唔同。」何雁詩夫唱婦隨說：「結婚後關係緊密咗，默契更加好，相親相愛，配合將來。」

何雁詩穿上一襲開胸低V婚紗，谷胸現身，有傳雙喜臨門，她笑笑口謂：「多謝大家祝福，有小朋友係我哋計劃之內，今日慶祝結婚先，之前係肥咗少少，生小朋友就要睇老公。」提到鄭俊弘向劇組申請兩日放假舉行晚宴，之後會否全力造人？何雁詩笑言：「造人唔使幾日，隨緣level啦。」問到是否不設防？鄭俊弘表示要先做身體檢查，何雁詩搞笑的秒「窒」老公的年紀有咁上下。鄭俊弘沒有當面反「窒」老婆，還賣口乖讚對方的所穿的婚紗，顯得又瘦又靚：「係正㗎！有Quali就要show出嚟。」但說到二人可夫妻檔拍住做音樂，鄭俊弘即抗拒表示「唔得」，因二人都好易忟憎，一齊工作易生磨擦。昨日（6日）亦是何爸爸71歲生日，不過何雁詩表示今年爸爸想低調。