妻子產後只顧湊B經常放負，港爸呻工作受氣無人安慰。《BB來了》劇照
港爸於「連登討論區」發文訴苦指，妻子產後「日日放負」，兩人亦為了小朋友的事經常發生爭執，「三日唔埋兩日嘈一次」，並指妻子現時已將全副心力放在照顧小孩上，無暇關心他的感受。每當港爸在工作上受氣，欲找妻子訴苦，「想搵人安慰吓」，沒料對方竟不耐煩指，「你同我講呢啲做乜？你自己消化咗佢再返屋企啦！你覺得我會有時間同心力關心你？」。
港爸透露，每逢工作不順意，放工後都會外出散心才返家，惟妻子見他遲遲未歸，立即發短訊連番斥責，「做乜仲唔返屋企？」。待港爸回家後，妻子只顧分享兒子的事，要他給予正面回應，卻忽略其個人的感受。他直言對現時處境感到氣餒，曾向妻子提出離婚，「結果佢又喊又自殺咁，話就算死都唔會離婚」，令他不知應如何解決，遂向網民求助。
帖文引起網民的熱議，紛紛建議兩人坦誠溝通，甚至可以尋求專業人士協助，「試下坐低認真傾吓啦，佢生完都好易有情緒病，你屈埋屈埋又好易有」、「如果講到要離婚，應該搵輔導解決相處嘅問題」、「睇得出樓主同老婆壓力都好大，搵日試吓托個小朋友畀親戚照顧，兩個好好咁傾吓」。
有網民籲樓主不應輕言要求離婚，「全職媽媽都好辛苦，家庭你都有份，唔係你一句離婚就解決到」、「搵日老婆放一日假，樓主照顧個細路，佢都要放鬆吓唞吓氣」、「樓主平時有冇一齊照顧小朋友或者關心下老婆？可能你有嘢想呻，佢都有好多嘢想人聽佢講呢？」。
資料來源：連登討論區
