修心養性嘅韓子亮(TL)趁住年尾音樂頒獎禮前，最近推出新歌《Everybody Keep Running 》，呢首歌係Featuring香港音樂人ZIGHT（邱耀鋌）。TL早已欣賞ZIGHT，今次獲邀唱中文版感到相當興奮。

問到是否有興趣競逐歌曲獎項？TL笑言入行踏入第5年已不再係新人，以往曾經出席過唔同嘅音樂頒獎典禮，亦都有上過台攞音樂獎，但經歷令他睇淡好多事情，𠵱家一切都係平常心！TL無奈道：「其實大家都明白呢行個遊戲規則係點，同埋我嘅音樂風格比較另類特別，有自己嘅粉絲觀眾同音樂都好開心喇！呢首歌嘅歌詞反映到我心聲，包括寫『我不怕被挑戰，我總會全速去上陣』、『跌倒過大不了，歇一歇重新再拼命』。」