今集《全民造星IV》出場有「女版Ian」，25歲的何佩。
何佩面試時分享為已逝男友重拾夢想的故事。
正式表演自彈自唱原創曲《Unknown》，歌詞紀錄咗自己經歷。
評判朱栢康聽完之後都大讚感動到佢。
最終以三盞紅燈成功晉級60強。
何佩之前經常會出show或者去busking。
何佩生活照都好有親和力。
平時都好鍾意笑。
何佩仲有自己channel，經常會upload自己作品同cover歌。
Previous Next
《全民造星IV》以打造全新女團為目標，今晚播出最新一集，一開波就迎來「女版Ian」25歲的何佩。何佩面試已經獲花姐同許廷鏗（Alfred）、梁祖堯讚好有親和力，尤其是佢笑起上嚟對笑眼與笑容同陳卓賢（Ian）一樣非常有親切感。何佩之前好鍾意參與busking同創作歌曲，但近年曾想過放棄，亦表示今次嚟參加比賽，其實係為咗去年已逝的男友，「其實我做音樂嘅路上佢好支持我」，男友的離開亦令何佩失落了近半年時間，最近才重拾想做歌手嘅夢想，重新開始創作音樂，「所以我覺得用歌去寫低過程好好，因為當我聽返我會知道當時自己經歷咗啲咩，可以畀到其他人安慰。」