現年49歲的古巨基（基仔）去年3月當爸，宣布囝囝Kuson（古晉匡）出世，轉眼間Kuson已1歲8個月大，這位廿四孝爸爸幾乎將生活重心都放在兒子身上，不時於社交網分享囝囝的生活點滴。近日，基仔連出兩個post都是教囝囝數數字的片段，Kuson亦好快已經學懂由1數至10，令基仔相當興奮。
第一條片是基仔在車上抱着兒子，教Kuson慢慢由1數到31，起初Kuson在1至20的發音都總算跟得上，但到21至30，由於是3個發音，Kuson未能即時學到，更捽捽眼表示數到眼瞓，基仔感慨留言︰「你呢啲成長Moments真係我嘅無價寶。」就連好友容祖兒笑也取基仔：「老竇啊，使唔使數咁多個Number呀？」