39歲的林子善正跟馬國明、唐詩詠及陳山聰等拍攝TVB新劇《隱形戰隊》，近日子善有感而發喺社交網出咗個Po，先Tag文偉鴻監製：「領導我哋演員同拍攝團隊，極團結每場戲每個鏡頭都做到最好，幕後工作兄弟亦非常合拍，真係好享受拍攝嘅整個過程，《隱形戰隊》 嘅氣氛同感覺，仲有一個月多嘅拍攝，兄弟們我哋繼續加油，絕對唔會令大家失望。」林子善多謝監製領導有方之餘，仲Po咗啲自己嘅操肌片鼓勵同事，成件事好熱血，唐詩詠、陳山聰及趙希洛都讚佢好有型。