TVB遊戲節目《思家大戰》今晚播出第十一集，主持思捷好友兼拍檔王祖藍及阮兆祥齊齊帶隊撐場，祖藍率領的《藝人之家》有太太李亞男、關心妍、韓馬利及被指是思捷「舊相好」的鄺文珣；祥仔率領的《881》，隊員則有其合作多年的電台拍檔朱菁、馮天欣、樂樂及黎榮業。

為慶祝福祿壽下年邁向15周年，三人先合唱《升呢》熱身一輪後才進入遊戲Mode。難得福祿壽合體，所有題目均是「度身訂造」，最抵死兩條分別為：「邊個TVB藝人主持《思家大戰》會好過李思捷十倍」及「拍咗好耐拖嘅女朋友叫你結婚，但你唔想結，你會點答」。「換主持」問題由祖藍及祥仔作答，二人一聽到題目即笑得相當開心，「氣」得思捷大叫：「你哋度埋啲咁嘅題目！我唔做喇！」之後在八個民調答案中，祖藍與祥仔均榜上有名，令思捷更感無癮。