41歲前港泳將方力申（小方）兩年前完成環島泳45公里慈善挑戰，並破紀錄完成賽事。最近小方為幫母校籌款，與一班聖若瑟舊生和老師再挑戰環島泳，昨日在社交網分享實況，見他凌晨未夠6點已準備出發，並寫道：「45公里『約瑟環島游』我哋Team 1六子，平均年齡42.5歲，已十小時之內完成！總算有交代！小方游咗三次各40分鐘，每次都有盡力，絕冇揸流攤！」

游完三棒後，小方更拍片講感受：「我三棒都有用力，唔明點解，都唔係為咗破紀錄，點解要咁盡力？我啲鬥志剩係喺游水度先有，其他做咩都冇，打波做gym都冇，一落到水我就要博，多謝大家支持。」見小方超健碩身材，真是睇到心心眼。