網購貨品難辨真偽？有港男指早前經網購平台購買溫度計，收貨後發現只是貼上貼紙的道具，質疑「裝假狗」。不過，有網民就懷疑樓主未入電池及撕下屏幕貼紙，導致該溫度計未能正常運作，引起網民討論。

該名港男在社交媒體Facebook群組「淘寶唔開心share （中伏group)」上載圖片，當中顯示該個黑白色的溫度計有一個屏幕，上排顯示華氏溫度，下排顯示時間及濕度。不過樓主就指發現它只是一個「模具」，屏幕的數字只是貼紙，溫度計根本無法使用，無奈地表示「貼個時間、濕度當真嘢」。

帖文引起網民討論，不過並非討論溫度計「裝假狗」，而是質疑樓主不懂使用溫度計，紛紛向樓主「教路」，「有冇打開電池蓋，睇下有冇塊膠紙擋住通電源」、「撕左張貼先。入電芯，開掣。睇下有無反應」。另外亦有不少網民留言揶揄樓主，「樓主呢個唔係太陽能，要入電㗎」、「估唔到今時今日，淘寶買嘢都要考牌」、「環保唔用電池」、「如果未入電都有畫面就真係奇怪囉」。

資料來源：「淘寶唔開心share （中伏group)」