TVB台慶劇《十月初五的月光》將接檔《換命真相》於22日（周一）起於8點半檔播出，由於舊版叫好又叫座，尤其是胡鴻鈞飾演的初哥哥，之前由萬人迷張智霖擔正，「珠玉在前」難免有所比較；不過監製陳志江並不擔心胡鴻鈞會被比下去：「佢演得好好喎！佢係一個好活潑開朗嘅人，所以睇佢啲戲會好開心。而且佢做感情戲都做得好好，有場獨腳戲做得好出色，係以往你哋冇見過嘅胡鴻鈞。」

姚嘉妮飾演的萬朱沙華則以「潑辣」、「得勢不饒人」馳名，唔少網民擔心嘉妮演技雖好，但似乎未夠「八婆」；但觀乎官方發布劇照，嘉妮舉手投足都有股「辣勁」，滿臉的憤怒、不耐煩與不甘心，明顯是狠角色，至於巴辣度與陳曼娜能否比併，則要待劇集正式播出後才有分曉。