男團MIRROR人氣高企，連鎖快餐店近日推出閃卡，吸引「鏡粉」係咁狂食炸雞集齊成套。而亞視為咗宣傳亞視手機App及串流平台而抽鏡仔水，突然喺社交平台上載12位「ATV男星限量版閃卡」，用手持炸雞嘅「老臘肉」追擊「小鮮肉」。打響頭炮嘅藝人秦沛、羅樂林、劉永和潘志文，第二炮係陳展鵬、林韋辰、袁文傑，後來仲追加「秦始皇」劉永、盧海鵬等，真係好鬼正，惹來網民熱討。