泳兒、魏浚笙（Jeffrey）和雲浩影（Cloud）今日在上水一同出席活動，泳兒表示很高興有機會搵真銀，笑言最近要準備買聖誕禮物給男友，所以有點「手緊」。她說：「唔敢唔買呀，因為有次唔記得咗，搞到男友好嬲，嗰次之後就明白到，即使口中話唔介意，但其實心內好介意。」

泳兒還公開準備購買的聖誕禮物，非常實用，她說：「準備買一部65吋至100吋嘅大電視送畀男友，除咗可以共享，亦因為屋企部電視機會間竭性自動開關，搞到男友打機好無癮。而我就希望收到按摩椅，人大咗會變得現實，大家講出自己嘅心頭好，總好過買咗唔合心水嘅禮物要退貨。」泳兒稍後會參與除夕倒數活動，指香港已有數年沒有這類活動了，非常期待。對於MIRROR當晚都有倒數騷，她稱全世界都有好多倒數活動，除夕是普天同慶的日子，認為不算是對撼，最重要是有氣氛。