菊梓喬（Hana）今日在將軍澳電視城為TVB新節目《聲夢JUNIOR 》錄影，Hana會擔任惡魔訓導主任，她語帶無奈說係被迫嘅，因平日的她十分善良，試過要聽指令向學員說：「邊個曳就淘汰邊個！」嚇得學員嚎哭，要立即送上呵護。

過幾日便35歲嘅Hana自爆有13歲學員童文（Ricky）追求，她笑說：「我話等佢大個先，到時我就真係嬸嬸喇！」而Ricky與Hana合照時做出心心動作，公開示愛，表示好鍾意Hana，並說：「我叫過Hana姐姐follow我IG，但佢唔follow我，我大個會追Hana姐姐。」令在旁Hana面露尷尬神色。