陳煒昨晚喺驚喜求婚派對上答應下嫁醫生男友陳國強，其實煒哥好姊妹朱晨麗與岑麗香等應記一功，她們幫陳醫生手炮製驚喜。今日凌晨朱晨麗亦緊接煒哥在社交網發圖文，朱朱貼出跟煒哥合照，相中見煒哥拿着超巨型鑽戒裝飾品，朱朱就裝作嘟晒嘴兼心心眼，相當交戲！她祝福陳煒寫道：「好大粒鑽石呀，我最親愛的閨蜜(密) @alicechanwai 我話你好快就會嫁㗎啦。激動到掛住喊嘅我，都冇好好地正正式式咁對你講恭喜說話，現在補返！祝你生日快樂，身體健康、祝福你地白頭偕老，永結同心。」

網民追問何廣沛婚期
煒哥回應：「Thank you dear好快到你」還加送心心表情符號。朱朱緋聞男友何廣沛都留咗拍手及慶祝表情符號，即被追問「幾時到你？」「什麼時候求婚？」、「等緊你呀？」、「沛沛，你看樓下煒哥都說，很快到朱朱，你加油，哈！」