TVB前藝人、曾跟丁子朗傳緋聞的林宣妤（Serene），自從離巢簽約新公司後，有不少新發展機會，她將與姜大衞的細仔姜卓文（細John），演出一連三場由胡恩威執導藝術科技時裝劇場《道可道Fashion道》，Serene會穿上高踭鞋化身模特兒唱出梅艷芳經典名曲《似水流年》，為此她重溫梅姐的演唱會，Serene大讚梅姐有型有性格：「睇過佢好多訪問覺得佢好有義氣，好為朋友，係真正嘅巨星！」上台演繹對方名曲有否壓力？Serene表示不會，因自己並非刻意模仿，而是用自己方式去表達。