由郭偉亮（Eric）、黃芳雯（Paula）、霍嘉恩（Gracey）主持的香港開電視全新節目《星宅大曝光》，下周一（29日）播出首集，Eric與Paula走訪了楊詩敏（蝦頭）位於清水灣的村屋住所，蝦頭表示對村屋情有獨鍾，除了可以養寵物外，亦可以享受大自然氣色，展現了蝦頭鏡頭以外琴棋書畫「平靜」一面。蝦頭說：「我鍾意住村屋，因為鍾意藍天白雲，大自然吸啖空氣都清新好多，我有少少難住番巿區密集式嘅大廈。」

蝦頭與媽媽同住700呎村屋，她表示：「同屋企人住，係超級大嘅學習，因為我18歲已經搬出去住，去啲男朋友屋企同居，避開家人，可能以前細個唔識點同家人相處，直至兩年幾前，機緣巧合地想照顧媽媽，初時感覺『呢鋪大劑』，不過住落之後一啲事都冇，原來佢都好體恤、好開放咁面對（新相處模式）。」