咖喱有個拍拖幾年嘅男友，感情穩定，但暫未談婚論嫁。
咖喱本身係公立醫院內科醫生。
咖喱參加《造星IV》曾出手幫唔舒服嘅參賽者。
不過佢都有提啲參賽者，有病真係要睇醫生呀！
咖喱一參賽就被網民起底，搵到疑似係佢同男友嘅合照。
咖喱透露男友從事IT業，支持佢追夢，但都擔心女友被抨擊。
咖喱怕遲多幾年，唔敢再參賽，所以辭工追夢。
網民話咖喱首回合亮相個樣勁殘。
原來當時佢仲未正式離職，同時兼顧工作同比賽，個樣攰都好正常。
曾被製作組投訴多次阻礙拍攝。
其實佢都係想幫人，認自己性格固執。
大方公開戀情
咖喱除得到同事和家人支持，男友亦十分支持她追夢，但她坦言男友亦有所顧慮：「佢擔心我冇接觸過呢個圈子，驚啲人如果係咁鬧我，我會唔會承受唔到，佢擔心我心靈會受傷，所以佢本身都唔係咁鍾意，但佢知我想做呢樣嘢，其實都好支持我。」
與從事IT行業的男友拍拖數年，雖感情穩定，但暫未談婚論嫁：「呢啲仲好長遠，要慢慢睇。」亦未怕公開戀情會流失粉絲：「我覺得男朋友屬於私生活，我都希望粉絲可以接受。如果接受唔到，始終我同男友有段長時間經營嘅關係，我冇理由話即刻同佢分手，冇可能！已經有個感情建立嘅時候，我都相信如果係粉絲都會諒解。」
