電影《假冒女團》導演徐梓耀今次執導作品以青春搞笑為主題，眾多選角中看中「教主」盧瀚霆（Anson Lo）做主角，夥拍一眾青春女藝人一起參與女團選舉。徐梓耀有感香港近年缺少本土青春系列作品，眼見娛樂圈興起一股新勢力，即把握機會並以「青春無敵」來讚嘆戲中新一代。

至於為何選中Anson Lo做主角，徐梓耀笑說：「唔使問啦，後生又靚仔，瘋魔萬千少女，又想可以創新玩吓。」原來導演最初構思是拍攝打造女團，後來不如大膽反串，結果和Anson Lo商量後，大家就實行。對於教主女性打扮是否滿意？他指要留待觀眾評價，並說：「好多人可能誤會要佢扮一個靚女，其實唔係，係講佢唔情願去扮一個醜女，最初我哋都擔心，好難將一個男仔變做一個好靚女仔，專登設定佢角色唔想做件事去增加喜感。」