屯門輕鐵大興北站今午有女乘客被人推落路軌受傷，事後警方拘捕一名33歲姓丘男子，涉嫌襲擊致造成實際身體傷害。據知，疑犯任職運輸工人，居於大興邨多年，有鄰居向本報透露，疑犯脾氣古怪，曾被人投訴電視聲浪太大，又喜歡賭波賭馬，「成日都喺屋入面嗌『入呀入呀』」

有女鄰居指疑犯姓丘，叫阿樂，30多歲，身型大大隻隻，居於上址大約8至10年，「之前得佢阿媽喺度住，後嚟佢搬咗過嚟，但成日嘈交打交，之後佢阿媽就唔知去咗邊，得返佢一個人喺度住」。她形容疑犯脾氣古怪，經常不睡覺，曾被人投訴電視聲浪太大，他的朋友亦會在深夜來訪，「都知佢啲脾氣，鍾意就同你打下招呼，唔鍾意就唔彩你…佢好似唔使瞓咁，以前我返凌晨4點，佢都唔閂門，見到我行過就話『你返工喇？』」

她更指，疑犯經常會在家中大吵大鬧，又喜歡賭波賭馬，「佢好奇怪，成日喺間屋度無端端會嗌呀，有時又會喺度嗌：『入呀入呀』」