Previous Next
C AllStar合體後化身「地球保衛隊」推出一系列有故事性的歌曲,每首MV都以「訊號器」貫穿,終於走到專輯的最終章,四子登上大帽山頂露營,拍攝最後一首派台歌《共同望銀河那時》MV。

拍攝MV當日,市區溫度大約攝氏14度,但上到大帽山頂降幾度兼非常大風,露營帳幕都幾乎被吹走。四子一邊欣賞香港夜景一邊談心,傾得興起,King和陳健安笑到連人帶椅子翻倒,非常搞笑。釗峰說:「今次係《人類世》專輯最後一首派台歌《共同望銀河那時》,為配合歌名和內容,導演安排我哋喺大帽山頂露營,一齊眺望夜景和睇星星。」身旁品嚐熱湯的陳健安說:「平時道具食物唔放得入口,多謝團隊今次準備真嘅食物,仲有熱湯畀我哋,真係Camping,好窩心呀!」釗峰說:「我哋呢隊『地球保衛隊』經歷咗好多嘢,由《集合吧!地球保衛隊》、《留下來的人》、《沒明日的恐懼》,好多章節,經歷咗好多,《還有48小時》MV玩到癲。」吳崇銘(King)笑說:「估唔到最後一個MV要食西北風!」