「環星一哥」尹光夫婦(左1、2)、環星娛樂老闆張國林(左3) 、方俊(左6)齊舉杯。
張偉文、方俊及環星娛樂老闆張國林、尹光夫婦、王美蘭、方麗盈等為方母賀壽。
歌手方麗盈(左1)、王美蘭(右2)、方俊(右1)祝賀壽星媽身體健康。
喺方俊悉心安排下，張偉文演唱會門票大賣，心情勁佳。
仲胃口大開添。
首場《友情有義演唱會》喺本月20日文化中心舉行，方俊及姚煒出任表演嘉賓。
演唱會反應咁好，張偉文喺方俊媽咪壽宴上開懷地係咁食及係咁笑。
張偉文正努力練歌中。
Previous Next
68歲死過翻生嘅張偉文（Donald）近年不良於行要靠坐輪椅代步，幸而多年嚟喺有情有義嘅老友兼經理人方俊（Aman）悉心照顧下，翻肥100磅，狀態回勇，本月20日、明年1月12日及14日分別喺香港文化中心、沙田大會堂及元朗劇院再開騷舉行《友情有義演唱會》，賺錢傍身。而張偉文逆境自強嘅故事獲大眾支持，首場個唱已經爆滿，其他場次都掀起撲飛熱潮，喺疫情下票房反應咁好，張偉文及經理人飲得杯落。張偉文及出任表演嘉賓嘅方俊現正努力練歌中，適逢方母蘇麗89歲生日，昨晚張偉文及圈中好友環星娛樂老闆張國林、「環星一哥」尹光及太太、歌手王美蘭，方麗盈等為方母賀壽，大家齊唱生日歌，開開心心放鬆咗一晚。