余迪偉睇B組表演睇到一頭霧水。
Previous Next

昨晚（10日）ViuTV的《全民造星IV》節目尾聲，由A組的《This is me》對撼B組的《未知道》，前者賣點是做自己；後者就將之前幾個回合B組做過的表演融入《未知道》，希望感動評判之餘，亦為本屆參賽者留下美好回憶。

A組《This is me》分配唱歌部份分得唔夠平均。
A組《This is me》分配唱歌部份分得唔夠平均。
Ika被讚唱得好，但似乎個表演焦點去晒佢身上。
Ika被讚唱得好，但似乎個表演焦點去晒佢身上。

 

不過A組《This is me》雖被讚有活用舞台，但評判余迪偉及馮允謙（Jay）都嫌歌唱分Part分得唔平均，Jay表示：「穎蕎把聲好靚，其實我都想聽多啲，我覺得頭先唱唔夠。」余迪偉亦有同感：「《This is me》大家睇過電影會好認識佢想帶出嘅訊息，我覺得drama部份未夠令個Live昇華。Ika（廖芷嘉）唱得好好，但如果以成個表演睇，點解成個焦點喺晒一個人身上呢？穎蕎同芯駖把聲咁靚係咪可以唱返多啲呢？」

評判讚穎蕎把聲好靚，話想聽多啲。
評判讚穎蕎把聲好靚，話想聽多啲。

 

而B組的表演就似乎令余迪偉感到一頭霧水，雖然有主持強尼代為解釋表演融入了前幾回合B組的表演，但30強比賽當下《造星IV》其實都只播了幾集，在座評判從未看過之前的表演，感受不到感動位，余迪偉表示：「呢個都係你哋揀一條橋，做創作前要考慮嘅嘢，我哋睇嘅時候都冇共鳴，唔應該要強尼出嚟畫出腸。」而在後台被B組感動到落淚的導師梁祖堯就反駁：「其實我冇咁諗，例如屋仔同雀仔都唔關（之前表演事），呢樣嘢被放大咗。」

B組導師阿祖話當《未知道》呢個表演係紀念，唔好當比賽。
B組導師阿祖話當《未知道》呢個表演係紀念，唔好當比賽。
B組表演出現「金魚」，令人回想到B組的「六條金魚」。
B組表演出現「金魚」，令人回想到B組的「六條金魚」。
「六條金魚」是已被Foul的咖喱提供的故事，令人幾感動。
「六條金魚」是已被Foul的咖喱提供的故事，令人幾感動。
主持強尼幫口解說B組的表演。
主持強尼幫口解說B組的表演。
阿祖感動到喊。
阿祖感動到喊。

 

余迪偉事前未睇過其他表演，覺得表演冇共鳴。
余迪偉事前未睇過其他表演，覺得表演冇共鳴。
有網民贊同余迪偉評語。
有網民贊同余迪偉評語。
Jay同樣覺得B組分配唱歌部份唔夠平均。
Jay同樣覺得B組分配唱歌部份唔夠平均。
黃修平一如以往，好易被感動。
黃修平一如以往，好易被感動。

 

另外，今回合規則又唔同上次，評判事前就知各組輸比賽要Foul的參賽者，網民質疑唔公平。A、B組的死亡名單分別是Ashi及Karen，欣宜看了幾場Karen的表演都大讚對方，B組未表演欣宜已表示：「唔想Foul Karen。」一旁的Jay提醒她要睇埋個表演如何再決定，強調比賽要公平，但欣宜竟然回答：「咩係公平，我哋自己夾咋嘛！」言下之意似乎想與其他評判一齊造馬？唔止余迪偉聽到都唔回應，就連網民都在ViuTV的facebook留言批評：「欣宜你可唔可以公平少少，話唔想foul karen，jayfung都同你講要公平，你竟然話公唔公平係自己定？」

其實欣宜今次做《造星IV》評判已經唔係第一次被批評，前幾集就有網民批評她「夾硬搵嘢讚」，今次又被拍下疑邀其他評判造馬力保Karen，未知會否影響網民對她的好感度，更有網民指她在《造星IV》中的表現，可能會反映在商台「叱咤樂壇我最喜愛的女歌手」的結果上。

有網民提出今個回合，評判一早就知各組Foul邊個好唔公平。
有網民提出今個回合，評判一早就知各組Foul邊個好唔公平。
欣宜因為好鍾意B組嘅Karen，B組未表演佢已經揚言唔想Foul已在死亡名單上的Karen。
欣宜因為好鍾意B組嘅Karen，B組未表演佢已經揚言唔想Foul已在死亡名單上的Karen。
余迪偉及Jay回應欣宜稱需睇表演決定，言下之意似想提欣宜唔可以因唔想Foul Karen而揀B組贏。
余迪偉及Jay回應欣宜稱需睇表演決定，言下之意似想提欣宜唔可以因唔想Foul Karen而揀B組贏。

 

對於Jay提點比賽要公平，欣宜竟然話：「咩係公平，我哋自己夾咋嘛！」惹網民反感。
對於Jay提點比賽要公平，欣宜竟然話：「咩係公平，我哋自己夾咋嘛！」惹網民反感。
網民覺得欣宜好偏心。
網民覺得欣宜好偏心。