林子祥（阿Lam）今晚到電視廣播城為《歡樂滿東華2021》做表演嘉賓，他夥拍《聲夢傳奇》冼靖峰、張馳豪、林智樂、孫漢霖四子演唱經典歌曲。阿Lam早前在內地工作返港後做足檢測措施，他坦言：「在香港接受撩鼻檢驗冇咁痛，有啲地方隊到入眼。」
阿Lam明年3月會在亞博開騷，問到老婆莎莉會唔會上台，佢就大賣關子。
阿Lam將於明年3月在亞博開騷，他不用刻意閉關也能保持演出水準，皆因平日不會亂吃東西及飲酒，吃得比較清淡對養聲有很大幫助。阿Lam兩年沒在港開騷，演唱會難以撲飛，他說：「我唔知道，今次係一個開心演唱會，大家太耐困在屋企，我同全世界嘅人都一樣，希望大家享受音樂。」兒子林德信充當票務部欠落飛債，阿Lam無奈表示：「冇辦法，鬼叫佢係我個仔。」並率先披露屆時會父子一同亮相。至於太太葉蒨文（莎莉）會否現身？阿Lam說：「唔排除將來有機會，佢都餓咗好耐，喺屋企都會唱吓歌，除夕倒數活動可能會一齊唱歌。」
日前MIRROR六子開音樂會，其中姜濤席間唱出幾首前輩金曲致敬，包括阿Lam的《分分鐘需要你》，阿Lam雖然沒聽過，但他表示：「後生仔唱吓老人家嘅歌都係好事。」同時他亦有稱讚聲夢四子的唱功。
TVB高層曾志偉親自到後台監場。
阿Lam大讚聲夢四子唱功。
阿Lam見到陳潔靈鬼咁開心。
聲夢四子有幸同阿Lam合唱。
姜濤日前開騷加插致敬前輩環節。
