K-pop音樂頒獎典禮「2021 Mnet ASIAN MUSIC AWARDS（MAMA）」昨日（11日）在韓國隆重舉行，香港人氣男團MIRROR成員Anson Lo（盧瀚霆）榮獲最佳亞洲新人殊榮，揚威海外！Anson Lo昨晚在IG分享MAMA的簡介片段，不足24小時已吸49.9萬人次觀看，而好兄弟姜濤、Jeremy李駿傑、Edan呂爵安、Stanley邱士縉、193郭嘉駿等都有留言恭喜，姜濤說：「你應得嘅！」欣宜更表示開心到喊。
「教主」Anson Lo今年在歌、影、視三方面發展均發熱發亮，人氣遍佈亞洲各地，獲此殊榮實至名歸，他直言十分驚喜：「好多謝2021 MAMA頒發呢個殊榮畀我，超級開心同榮幸，能夠得到今次殊榮及登上2021 MAMA舞台，係我一直以來嘅夢想，今次獲得2021 MAMA認同，絕對係好surprise，而且亦好鼓舞，自己今年做過嘅嘢得到唔同嘅人欣賞及支持，鼓勵到我嚟緊演藝路上繼續努力，畀觀眾睇到更多自己不同一面！」
Anson Lo亦不忘感謝身邊支持他的觀眾及「神徒」（粉絲），更與MIRROR好兄弟分享榮譽，他說：「希望大家會繼續支持我、支持MIRROR，冇MIRROR就唔會有Anson Lo存在，冇每位觀眾支持同留意，亦唔會有呢個獎誕生，所以呢個獎唔係屬於自己，係屬於每位觀眾、每位神徒，屬於MIRROR整隊，多謝你哋！」
至於是否對競逐香港樂壇獎項注下強心針？Anson Lo謙稱：「唔可以咁比較……我對頒獎禮冇諗太多嘢，由出道至今都係隨緣心態……最重要係能唔能夠畀觀眾睇到自己，擴闊自己接觸到嘅觀眾層面。」Anson Lo對2021年的發展尚算滿意，自言變大膽了，在不擅長、不熟悉的範疇均可以適應，還預告下年會花多些時間在電影及演戲方面，音樂路上亦會嘗試不同風格，更自爆對Rap愈來愈感興趣。
