22歲的姜濤一向貪玩，之前在音樂會後台對住Edan玩臭腳後，邱士縉（Stanley)昨晚亦分享了姜濤的百厭事。
Stanley上載了5張連環圖，並說呢幾張相有段故，「本身見有妝頭又靚仔到咁(都正常發揮啦)，當然影張相留下倩影! 點知影影下阿姜生亂入，我心諗，哇! 難得同我影相就當然奉陪到底啦，結果… 」姜濤突然挨近並嘟起個嘴，Stanley 有感「 唔對路」時，姜濤突然舔了他的耳仔一下，Stanley 生動形容當時情況：「無錯，係！feel！ 到！口！水！嗰隻，並且發出魔性嘅笑聲」，不少網民都留言要搵佢哋拍愛情片並封二人為「大表姜CP」，而姜濤亦以一個舔脷的表情符號回覆，相信好多「姜糖」都極葡萄Stanley得到姜濤嘅情深一舔。
本來正常合照。
姜濤開始有所行動。
姜濤開始嘟嘴，睇吓Stanley個樣幾驚。
冇錯，睇姜濤個樣都知佢得呈嘞。
幅圖有聲。
去年，姜濤、Anson Lo同Stanley去台灣拍劇同住一段時間，感情好好。
