現年23歲的魏浚笙（Jeffrey）自小已經入行拍廣告，於去年參與ViuTV電視節目《調教你男友》因外貌出眾而人氣急升，工作量大增。Jeffrey未有放棄學業，工作學業兩邊兼顧，繼續在香港都會大學修讀商業管理系，昨日（15日）他正式畢業喇！
本報獨家直擊Jeffrey行畢業禮，他於早上11點半已到達學校進行綵排，見他穿上畢業袍，在主禮人叫名下行到台中間向院長鞠躬，並走回自己的座位，期間更有觀眾席的人高呼：「Jeffrey」。
Jeffrey終於大學畢業喇！
Jeffrey穿上畢業袍，開心舉機同同學仔影相。
現場聽見有人大嗌：「Jeffrey」。
Jeffrey自言可全程投入娛樂圈發展。
畢業典禮完成後，手執畢業公仔和鮮花的Jeffrey第一時間主動攬實媽媽和女朋友影合照，場面溫馨。其後大批同學及老師紛紛踴至，就連校長亦與Jeffrey合照，還有不少粉絲在校園外等候。記者問到Jeffrey畢業感受時，他表示：「開心滿足。」更坦言現在可以全力投入娛樂圈工作。
同老師合照。
有花同公仔收。
攬實媽咪合照，超開心。
唔少人搵Jeffrey影相。
Jeffrey前晚（14日）亦有在IG限時動態貼了一束鮮花的照片，並寫道：「小煨明天畢業了，雖然臨急臨忙搵唔到太陽花，但都頂住先」，但其實Jeffrey 的媽媽、女友及粉絲早已為他準備了太陽花和畢業公仔，幸福滿瀉。
搵唔到太陽花，呢束都幾靚吖。
