ViuTV選秀真人騷《全民造星IV》將於25日舉行總決賽，昨晚（16日）一集終於選出最後20強，一直被指獲導師阿祖同花姐包庇的方方終於出局，同組的子涓、阿蛋冇得留低，任導師的阿Jer（柳應廷）眼見自己組以213.2分包尾，都戥隊員難過激動爆喊。
阿Jer跟隊員排練兼教唱功。
阿Jer睇得好肉緊。
Alice被指在綵排時姣黐阿Jer。
阿Jer組的成員Alice被指放電，成阿Jer和女友分手導火線。賽前阿Jer用心為隊員排練、教唱功，最後選唱了《沙門》，可惜評判唔buy，阿祖批表演流於表面，花姐更唔enjoy表演，不留情面說︰「好disturb，唔想再睇你哋表演。」但網民就有安慰阿Jer：「Feel到呀Jer好自責，但係想講佢已經做得唔錯，呢次唔係佢錯。」
阿Jer組表演麻麻，被阿祖和花姐狠批。
Alice順利進入20強。
方方、子涓、阿蛋、馬欣及kinki昨晚出局。
進入20強的名單。
而進入20強的名單，包括有Marf、Ivy So、穎蕎、暐翹、Ariel、WINKA、Ada仔、Candy、CK、Gao、芯駖、Tengie、Win Win、榛綦、So Ching、超酸、VAL、Yoyo、Day、Alice。
