陳柏宇（Jason）兩場紅館《FIGHT FOR》個唱圓滿結束，他可以鬆一鬆和家人歡度聖誕佳節，之前Jason喺個人YouTube Channel開吹水台，爆老婆符曉薇成日食過期麵包，仲要迫兩父女一齊食，問到聖誕節係咪可以歎返個聖誕大餐開心吓？Jason大笑：「我呢期忙好少買麵包返屋企，咁就唔使捱過期包！」採訪：方騫平 攝影：沈健程 服裝：kamakurashirts_hk、apc_paris、ithk、blue_blue_japan、harveynicholshk 場地：太古城中心
陳柏宇今個聖誕節要錄音。
陳柏宇一家三口好溫馨。
陳柏宇好重視家庭生活。
陳柏宇《FIGHT FOR》紅館演唱會邀得黎明任首場嘉賓，為觀眾帶嚟驚喜，而符曉薇亦抱埋3歲囡囡陳羿辰（Abigail）捧場。Jason稱囡囡唱歌唔叻，卻好鍾意唱歌，坐車、瞓前成日唱，但唱唱吓就瞓著：「有時佢唔鍾意我唱佢啲歌，要求獨唱，又嫌我嘈，唔畀我喺屋企唱歌，不過佢都識得唱我某啲歌幾句歌詞嘅。」
陳柏宇好識得同細路仔溝通，𠱁得小朋友好開心。
Abi瞓前會唱歌，近排佢發開口夢嗌過爸爸。
開心個女黐自己
陳柏宇坦言囡囡聽到佢嘅歌反應唔太雀躍：「佢唔係我fans唔緊要，最重要我係佢爸爸，佢喜歡我係佢爸爸，近排佢發開口夢都有嗌『爸爸』，佢都幾黐我。」今年聖誕節Jason會繼續開工錄新歌，不過，重視家庭生活嘅佢點都會開返個Christmas party𠱁吓囡囡開心：「我哋會請埋一班小朋友同埋家長嚟食吓意粉、Pizza、雞翼等(終於唔使捱過期麵包)哈！又冇咁誇張，咁我哋真係鍾意食麵包，平時都係我去買麵包，呢期忙少咗去買。」
陳柏宇首場紅館《FIGHT FOR》個唱邀得黎明做首場嘉賓。
老婆及囡囡睇足兩場，Abi睇到好興奮。
陳柏宇真心鍾意食麵包。
Jason讚囡囡好鍾意返學，返學後仲叻咗好多。
去年囡囡未識咩係聖誕節。
