吳若希（Jinny）今日現身《博愛青年音樂會》宣傳活動，她直言最初做歌手是因自知讀唔成書，又不怕醜，找到自己定位後就當歌手。看見身旁的「聲夢」學員鍾柔美（Yumi）15歲生日，Jinny大呼：「真心好驚，好後生呀！」她指自己跟Yumi傾了兩句：「佢話7、8歲睇我嘅劇，我29歲，相差十幾年，見到Yumi似見到自己以前一樣，無憂無慮唱歌。」
吳若希自言有不同經歷後多了自己的想法，現時很享受唱歌的感覺。
吳若希（左二）稱見到Yumi（左三）無憂無慮唱歌，似見到自己以前一樣。
Jinny自結婚生育後，近年明顯減產，她說：「我依家好俾心機唱歌，依家冇人理，比以前模式自由度大啲，以前唱歌盲舂舂，唔同經歷後有自己諗法，enjoy現時唱歌感覺。」她表示每年出兩、三首歌就已心滿意足，最重要口碑好。曾是「星夢」一姐的Jinny對樂壇獎項看得淡：「仲細咩，現今樂壇好好，好多新面孔，我呢啲老人家出咗道一段時間，唔想太辛苦太chur。」
吳若希婚後要照顧兩個小朋友，每年出兩至三首歌已達成願望。
吳若希稱已出道一段時間，因此不再看重獎項。
