聖誕節將至，吳若希(Jinny)日前與張寶兒、袁偉豪、莊思敏、陳詩欣等大搞聖誕派對兼交換禮物。昨晚（21日）Jinny在社交網貼出照片，只見各人都玩得相當盡興，而Jinny更大晒得到由張寶兒與袁偉豪送出的名牌「彩虹撈」作聖誕禮物，當大家都「嘩嘩」聲以為是真時，睇真啲，原來這隻「彩虹撈」是手織品，Jinny 留言表示：「天氣凍，包一包手腕，即刻暖晒。」而真品的「彩虹撈」價值$200萬，錶面鑲有七彩寶石，台灣歌手周杰倫就有過同款手錶。
張寶兒親自送「大禮」。
大家都好緊張.....
嘩，傳說中價值200萬嘅「彩虹撈」？
Jinny更開心寫道:「年年聖誕交換禮物，最驚收到華而不實的禮物，估唔到今年收到名貴手錶！真係好靚，好無用，但很有用。請大家俾最大掌聲袁氏夫婦」袁偉豪即留言自爆：「成年人工比曬你」Jinny再笑指：「你冰山一角姐（啫）」。
原來只係手織品，吳若希形容「好無用，但很有用」。
一班人開心開聖誕派對。
