草蜢三子將於12月26日舉行名為《草蜢．愛的禮物．A Present》網上免費音樂會，翻唱多首梅艷芳經典名作，除了想透過音樂，向大家送上聖誕祝福，更希望將這份心意送給他們的師傅、梅姐梅艷芳。當日將有來自香港、馬來西亞及加拿大的電視台、電台、傳媒一起進行聯播，希望為香港癌症基金會籌得更多款項。
蔡一智說：「我哋一年前開始構思搞呢個音樂會，當時香港疫情好嚴重，令我哋諗起梅姐，相信如果佢仲喺度，一定會帶領我哋四出做慈善，幫助有需要嘅人，所以我哋三個覺得，係時候要做啲嘢，去承傳梅姐鍾意行善、鍾意幫助人嘅心。」
草蜢過往不時跟隨師傅四出登台、巡迴演出。
由於梅姐擁有無數經典歌曲，草蜢坦言選歌單的過程非常頭痛，因為「每首都係心水、每首都鍾意」。蔡一傑說：「淨係揀歌都花咗好多時間，最終我哋係用抽籤嘅方法，去解決問題，因為真係太多歌，每一首都係經典。依家揀出嚟嘅歌，相信無論係梅姐嘅歌迷，包括我哋三個梅姐嘅小粉絲，都好鍾意。」
梅姐最後的演唱會，草蜢都在。
選歌期間，昔日與師傅四出登台、巡迴演出的畫面，一一湧上心頭。蘇志威說：「唱嘅時候，我忍唔住眼紅紅，真係勾起咗好多回憶，希望大家聽嘅時候，都會勾起一啲回憶。」蔡一智補充說：「梅姐以前嘅歌真係好正，如果我哋草蜢要再出廣東歌，真係要出多二百分努力去做好音樂，希望做到更高水準嘅廣東歌。」
蔡一傑
蘇志威
蔡一智
