38歲的諸葛紫岐（Marie），自12年嫁畀Neway二公子薛嘉麟後，即由模特兒變成闊太，過住令唔少港女非常葡萄的少奶奶生活。因為新變種病毒Omicron，Marie未能去美國過聖誕，去唔到旅行咪喺香港玩囉。日前Marie去買童裝，見佢揀嘅都係斯文款格仔裇衫，可能買定畀兩位公子參加Party之用。撰文:梁志明
Marie之前透露一家人原定去美國過聖誕，就連機票都訂好，但因再次出現新變種病毒Omicron，兩個分別8歲及2歲的囝囝薛華韜（Arthur）及薛華舜（Anderson）又年紀太細未能接種疫苗，最重要返港要隔離21日，因此被迫取消聖誕外遊行程，好彩一向好體貼的大仔冇詐型。
件件都靚好難揀
一家人最緊要齊齊整整，去邊都無所謂。日前下午，着住短身Jacket同闊牛仔褲嘅Marie去咗利園2期睇童裝，見佢一入店就目標明確地只揀恤衫，黑白格仔恤、有煲呔嘅白恤衫同間條恤衫，睇完又睇，行足45分鐘先揀啱，最後買咗兩件黑白格仔恤，一件有呔一件冇，兩件盛惠2千幾。一畀完錢0離開， Marie見到記者即現笑眼，仲邊行邊揮手，親善大使咁樣。
先睇中呢件有呔嘅黑白格仔恤。
再睇中另一件冇呔黑白格仔恤。
呢件有煲呔嘅唔啱。
呢件間條嘅都唔啱。
Marie畀完錢離開即發現記者。
Marie一見到記者就現笑眼。
Marie做乜都Keep住好靚咁做，例如揮手。
上月，大仔Arthur 8歲生日，囝囝唔想搞生日會改去主題樂園。
Marie跟薛嘉麟結婚9年一直恩愛。
