衛詩雅昨日（24日）平安夜在社交網貼出慶祝聖誕的照片，不過其大腿卻貼上大大塊紗布，另外還有幾張大腿上有血痕及縫針的照片，嚇親網民。她寫道：「平安夜大家一定要平安呀！唔好好似我咁無端端大髀要縫4針」，然後又在傷口圖片上配文：「我的聖誕禮物......唯有趕去醫院吧......平安夜不平安......希望唔好留疤......」。
相信衛詩雅唔係好想有呢份聖誕禮物。
睇見都痛。
提到受傷過程，衛詩雅透露平安夜約了朋友食飯慶祝，怎料因趕出門口、加上正跟媽咪講電話，一不留神就被家中的鐵籠刮損大腿，因當時穿短褲，傷口直接看到皮肉，由於傷口有點深、又是鐵籠，因此到醫院打破傷風針以策安全，原本醫生認為兩針已足夠，但知道她不想留疤，最後就為她多縫幾針，傷口會靚一點，由於很快便處理完，可以繼續應約跟朋友食飯。她又表示今日洗完傷口已無大礙：「OK的，傷口已不大痛楚了，只是行路時如果『chok』到就會有點痛。」並不忘多謝大家關心，祝福大家平安、聖誕快樂！圈中好友方力申、張繼聰等留言慰問，而其同門好友兼拍檔陳家樂更「阿爸」上身留言：「囡，生性啦」，衛詩雅亦幽默回覆：「爸爸～你幾時返屋企啊？」
衛詩雅受傷後繼續應約去食飯。
群星慰問衛詩雅時，陳家樂卻搞笑叫她生性。
