ERROR、MIRROR 及C AllStar在《新城勁爆頒獎2021》奪「勁爆組合」，ERROR 4子梁業（肥仔）、何啟華（阿Dee）、郭嘉駿（193）和吳保錡終於有機會跟同門睇齊大表開心，又不離搞笑本色大讚：「唔分金、銀、銅獎呢個做法好聰明，終於可以同MIRROR平起平坐，冇對比就冇傷害，因我哋呢世都攞唔到金獎！」保錡笑指找家燕媽媽頒獎給他們蘊藏了一個很大的原因，就是皆大歡喜。笑指如跳著家燕媽媽的招牌十字步頒獎及領獎就更好，難得肥仔會正經分析，稱家燕媽媽盛裝穿長裙不方便，跳舞也看不到腳步，保錡即把握機會抵死秒回：「點解你要睇家燕媽媽對腳？」
ERROR話好想同家燕媽媽跳住十字步領獎。
保錡透露明年會出新歌。
問到肥仔和193失落新人獎可有失望？ 193稱絕對沒有，只為唱歌給大家聽，對獎項沒有期望。肥仔就坦言有期望，但發現快歌很難得獎，下年要唱慢歌，現在籌備中，並寄望明年另外兩位兄弟（阿Dee和保錡）能爭氣。沒料到阿Dee斬釘截鐵指明年不會單飛唱歌，重提被嘲唱得難聽，指邊度跌要邊度起，一定要唱出完整的《相依為命》才會出歌，保錡又笑著更正：「叫咗你邊度跌要邊度claim保險呀！」並透自己就真的在籌備出歌。繼而4子表示會繼續努力做歌，亦準備了新團歌，還改了12萬次，現只待女主角拍MV，披露是一位有人氣，曾跟他們合作過，但暫時未有期的女藝人，希望MV能於明年第一季面世，為大家帶來驚喜。
問到對之後的頒獎禮是否增強信心？193搞笑稱好有信心不會有獎，預了坐足一晚，要搵咖啡提神，還趁機「搲」咖啡贊助。肥仔則笑指希望大家寫信求情，或者可以改寫賽果。
C AllStar亦攞組合獎。
肥仔同193都失落新人獎。
