黃宗澤(Bosco)同吳卓羲喺TVB年代已經一起成長,之後各自喺大陸發展亦有不俗嘅成績。最近2人再度攜手合作新劇《飛虎之壯志英雄》,並正在內地熱播,日前佢哋就同埋劇中拍檔朱晨麗一齊開Live,由於兄弟2人太過合拍,令朱晨麗仿佛變成「電燈膽」。
直播中,朱晨麗問劇中2人會唔會一齊瞓覺?黃宗澤笑住口話:「戲裏面沒有,現實當中有。我們可以演好兄弟演到80歲。」大家聽完都覺得毛管戙,朱晨麗都忍唔住話:「太浪漫了吧!」其實Bosco同吳卓羲已經唔係第一次「放閃」,早前喺石灘手拖住手影合照,之後愈黐愈埋搞到好似咀嘴咁,早前佢哋同三哥苗僑偉宣傳,三哥亦有爆料話吳卓羲有拖拍,笑說:「他應該愛上了黃宗澤,他們現在很恩愛。」唔知佢哋幾時會組成「吳黃CP」一齊商演搵銀呢?

黃宗澤同吳卓羲感情咁好,朱晨麗好似好難介入。

《飛虎之壯志英雄》正在內地熱播,佢哋都好落力宣傳。

三哥爆吳卓羲有拖拍,話佢應該愛上黃宗澤。