劉嘉玲近年定居上海發展，有一段時間冇喺香港公開露面，多得社交平台，同埋嘉玲姐又鍾意玩網上平台，所以身處香港都可以知道佢嘅近況，可以隔空睇佢嘅豪宅又或可以欣賞到佢自編自導自演嘅搞笑影片及旅行風景照。
本月初，嘉玲姐在上海大搞56歲生日Party，梁朝偉更罕有陪伴，壽星女當日相當美艷。想好似嘉玲姐咁Fit?其實唔難，努力做運動就可以，嘉玲姐一向熱愛運動，在港時就經常去行山，喺上海就特別鍾情戴同一副防紫外光深藍色墨鏡出外跑步，膽拖跑友有丁子高，嘉玲姐IG就有好多同丁生嘅合照。
雖然尋日上海得7度，但無阻嘉玲姐出外跑步，心情大靚嘅佢喺IG連續Po出四張Snap Shot，見佢穿上羽絨背心保暖，唔知係咪着咗新鞋仔，見佢仲同對鞋仔影咗張相添，咁少女心嘅嘉玲姐相當可愛。
嘉玲姐在IG分享上海生活自拍照，並且寫上：「It was freee-eezing!」
嘉玲姐自拍鞋仔好少女心。
嘉玲姐不時會邀請好友在上海的豪宅舉行派對。
嘉玲姐56歲生日派對低胸性感亮相，當晚丁子高夫婦盛裝出席。
嘉玲姐同丁子高成日約埋跑步。
