古巨基（基仔）自去年3月宣布囝囝Kuson出世後，一直為照顧囝囝和老婆，加上疫情肆虐而全面閉關，直至上月中才「復工」，轉眼間Kuson已一歲多，這位廿四孝爸爸不時在IG分享寶貝仔的生活點滴。日前基仔便上載囝囝的短片，片中Kuson以雪人造型示人，他十分「識做」；分別左右一啖錫爸爸媽媽，其後基仔又叫Kuson說：「Merry Christmas」，Kuson則用BB話成功講出，冧得爸媽非常開心，基仔興奮表示：「自從Kuson開始識講嘢，佢就俾咗好多個好sweet嘅第一次我和媽媽，今次係Kuson人生第一次同爸爸媽媽講『咩Lee Kiss mas』#古晋匡人生第一次講咩LeeKissMas#一個帶俾我溫暖嘅雪人」
基仔近月不時貼出一家三口的相片。
之前萬聖節，兩父子已扮鬼扮馬。
日前聖誕節，Kuson則扮成一個小雪人。
真係好溫馨呀。
繼而基仔再貼Kuson食蛋糕的短片，原來一直以來Kuson只吃過BB版沒有甜味的蛋糕仔，今次是他第一次食大人蛋糕，Kuson 邊笑邊讚：「Mmm, YUMMY ！」基仔更笑指：「佢嘅反應幾咁似一個食家。」基仔笑逐顏開，名副其實是有仔萬事足。
Kuson跟爹哋媽咪錫錫。
再跟媽咪錫錫，甜到入心。
Kuson初次食大人的蛋糕。
