張敬軒的紅館演唱會昨日（2日）來到第9場，他請來剛剛新鮮出爐商台新力軍男歌手金獎的MC張天賦出任嘉賓，令觀眾歡呼四起。邀請MC出場前，軒仔笑言在頒獎禮上坐在「樂壇關愛座」，開心見到一班新血出現：「今日呢位人兄實力同偶像兩樣元素都有，佢可以話係『實偶派』，呢大半年來我成日loop佢D歌。」現場即響起《反對無效》，觀眾歡呼四起，MC出場同軒仔合唱。
合唱完畢，MC拿一隻公仔出來：「我啱啱喺後台聖誕樹上面見到呢隻嘢，好得意，火雞？係你個姐姐悉心幫你整早餐....」軒仔即謂：「你個人都幾客氣喎，攞人啲嘢叫人送俾你....呢隻嘢生前係姐姐個早餐盤嘅裝飾，既然你鐘意我同你介紹番，呢隻嘢有名堂，佢個名叫：鵰！你企中間！」全場即爆笑，MC笑住反問「鵰....你企中間？」軒仔就整古佢再反問，「你同我講呀？」
軒仔表示很欣賞MC，搞笑形容他為「實偶派」。
MC獨唱時贏得台下不少掌聲。
MC在後台拿了遮遮的早餐擺設。
另外，軒仔昨晚又在IG貼出一段片段，公開他紅館私人化妝間的情況，但怎料一打開門率先見到一張以彩帶圍着的軒仔大頭相，枱面則放酒杯、飯碗、酒及糖果等，他邊拍片邊說：「嘩！頂！你話係咪大吉利是？仲要前面有幾支酒，豈有你個此理！」他更留言：「我有啲咁嘅Fan屎，整啲咁嘅禮物畀我，仲要我又有啲咁嘅同事，又咁樣擺嗰份禮物，喂，話晒新正頭，畀吓面好喎。粉絲行為偶像埋單」。
搞咩化妝間係咁嘅樣。
真的有酒有杯有食物，十足祭壇。
立即下載 | 全新《星島頭條》APP : https://bit.ly/3yLrgYZ
